Мадриднинг «Реал» клуби бош мураббийи Альваро Арбелоа Килиан Мбаппенинг жамоа мавсумнинг биринчи қисмида яхшироқ ўйнагани ҳақидаги фикрига муносабат билдирди.

Француз ҳужумчиси аввалроқ «қаймоқранглилар» мавсум бошида анча тартибли ва тузилмавий ўйин намойиш этганини айтган эди.

Арбелоа эса қисқа жавоб қайтарди:

“Мбаппе ҳам мавсумнинг биринчи қисмида кўпроқ гол урганди”, — деди мураббий.

Жорий мавсумда Мбаппе барча мусобақаларда 42 та учрашувда қатнашиб, 41 та гол ва 7 та голли узатмага муаллифлик қилди.

Шунингдек, «Овьедо» устидан қозонилган 2:0 ҳисобидаги ғалабадан кейин мадридликлар мавсум якунланишига икки тур қолганидаёқ Ла Лигада иккинчи ўринни кафолатлади.