«Челси» ҳужумчиси Жоао Педро «Барселона»нинг қизиқишлар доирасига тушиб қолди. «Speedline» нашрининг маълумотларига кўра, Лондон клуби бразилиялик футболчини шу ёзда сотишни режалаштирмаяпти. «Кўк-анорранглилар» эса ҳужумчини жамоани тарк этадиган Роберт Левандовскига ўринбосар сифатида кўраётган эди.

«Челси»нинг янги бош мураббийи Хаби Алонсо клуб раҳбариятига Жоао Педрони ўз лойиҳасининг асосий футболчиларидан бири деб ҳисоблашини ва уни сотиш мумкин эмаслигини маълум қилган.

Жорий мавсумда Жоао Педро «Челси» сафида барча турнирларда 49 та ўйин ўтказиб, 20 та гол урди ва 9 та голли узатмани амалга оширди. Унинг лондонликлар билан шартномаси 2033 йилнинг 30 июнигача мўлжалланган.