Испания миллий терма жамоаси ва «Барселона» клуби ярим ҳимоячиси Фермин Лопес кутилмаган жароҳат туфайли бўлажак жаҳон чемпионатидан маҳрум бўлиши хавфи остида турибди. Бу ҳақда SPORT нашри хабар бермоқда.

Ла Лиганинг навбатдаги туридан ўрин олган «Бетис» жамоасига қарши учрашувнинг биринчи бўлимида 23 ёшли футболчи ўнг оёғининг бешинчи кафтусти суяги соҳасида кучли оғриқ ва ноқулайлик ҳис қилган. Шу сабабли мураббийлар штаби уни танаффус пайтида захирага олишга мажбур бўлган.

Бугун испаниялик иқтидорли футболчи каталониялик шифокорлар назоратида чуқурлаштирилган тиббий кўрикдан ўтиши белгиланган. Дастлабки ташхислар хавотирли бўлиб, агар тиббий текширувлар натижасида суяк синиши тасдиқланса, Фермин Лопес яқин кунларда старт оладиган жаҳон чемпионатини бутунлай ўтказиб юборади.