Ispaniya milliy terma jamoasi va «Barselona» klubi yarim himoyachisi Fermin Lopes kutilmagan jarohat tufayli bo‘lajak jahon chempionatidan mahrum bo‘lishi xavfi ostida turibdi. Bu haqda SPORT nashri xabar bermoqda.
La Liganing navbatdagi turidan o‘rin olgan «Betis» jamoasiga qarshi uchrashuvning birinchi bo‘limida 23 yoshli futbolchi o‘ng oyog‘ining beshinchi kaftusti suyagi sohasida kuchli og‘riq va noqulaylik his qilgan. Shu sababli murabbiylar shtabi uni tanaffus paytida zaxiraga olishga majbur bo‘lgan.
Bugun ispaniyalik iqtidorli futbolchi kataloniyalik shifokorlar nazoratida chuqurlashtirilgan tibbiy ko‘rikdan o‘tishi belgilangan. Dastlabki tashxislar xavotirli bo‘lib, agar tibbiy tekshiruvlar natijasida suyak sinishi tasdiqlansa, Fermin Lopes yaqin kunlarda start oladigan jahon chempionatini butunlay o‘tkazib yuboradi.
