Х ижтимоий тармоғида Fathalli номи остида фаолият юритувчи тунислик видеоскаут, шарҳловчи ва футбол таҳлилчиси Абдуқодир Ҳусанов қайси жиҳатда ўсиши кераклигини айтиб ўтди, деб хабар бермоқда Sports.kz.

Кеча «Манчестер Сити» иштирокида АПЛ 37-туридан ўрин олган меҳмондаги «Борнмут»га қарши баҳс 1:1 ҳисобида дуранг билан якунланди. Бу натижа «шаҳарликлар»ни чемпионликдан маҳрум қилди — мавсум тугашига бир тур қолганидаёқ «Арсенал» совринни расман қўлга киритди.

«Ҳусанов эҳтимол ёзда шу жиҳат устида ишлаши керак бўлади.

Ҳимояга қайтаётганда у баъзан тўпга ҳаддан ташқари эътибор қаратиб қўяди. Шу сабаб атрофдаги вазиятни кеч баҳолайди ва хавфни пайқаганидан кейин ҳам қарор қабул қилишда кечикиб қолади.

Балким, у ҳали ҳам бундай вазиятларни жисмоний кучига таяниб бартараф этишга ортиқча ишонаётгандир?» — деб ёзди Fathalli.