Таниқли журналист ва инсайдер Экрем Конур Каталониянинг «Барселона» клуби учун ёзги трансфер ойнасидаги устувор вазифаларни ошкор қилди. Конурнинг сўзларига кўра, «кўк-анорранглилар» 2025/2026 йилги мавсумда ижара асосида жамоада тўп сурган ҳужумчи Маркус Рэшфорд ва ҳимоячи Жоау Канселуни таркибда сақлаб қолмоқчи.
Манбанинг таъкидлашича, «Барселона» Маркус ва Жоауни олиб қолиш учун барча имкониятларни ишга солишга тайёр. Эслатиб ўтамиз, инглиз вингерининг ҳуқуқлари «Манчестер Юнайтед»га тегишли, португалиялик ҳимоячи эса Саудия Арабистонининг «Ал-Ҳилол» клуби аъзоси ҳисобланади.
Жорий мавсум якунларига кўра, «Барселона» Испания чемпионатида ғолиб чиқди ва якуний турнир жадвалида Мадриднинг «Реал» клубини 11 очкога ортда қолдирди.
