Taniqli jurnalist va insayder Ekrem Konur Kataloniyaning «Barselona» klubi uchun yozgi transfer oynasidagi ustuvor vazifalarni oshkor qildi. Konurning so‘zlariga ko‘ra, «ko‘k-anorranglilar» 2025/2026 yilgi mavsumda ijara asosida jamoada to‘p surgan hujumchi Markus Reshford va himoyachi Joau Kanseluni tarkibda saqlab qolmoqchi.
Manbaning ta’kidlashicha, «Barselona» Markus va Joauni olib qolish uchun barcha imkoniyatlarni ishga solishga tayyor. Eslatib o‘tamiz, ingliz vingerining huquqlari «Manchester Yunayted»ga tegishli, portugaliyalik himoyachi esa Saudiya Arabistonining «Al-Hilol» klubi a’zosi hisoblanadi.
Joriy mavsum yakunlariga ko‘ra, «Barselona» Ispaniya chempionatida g‘olib chiqdi va yakuniy turnir jadvalida Madridning «Real» klubini 11 ochkoga ortda qoldirdi.
