"Real" bosh murabbiyi Joze Mourinyo yosh futbolchi Yan Diomandeni asosiy jamoaga moslashtirishda ehtiyotkorlik bilan harakat qilmoqchi.

Ma’lumotlarga ko‘ra, portugaliyalik mutaxassis Franko Mastantuono bilan kuzatilgan vaziyat Diomande misolida ham takrorlanishini istamayapti. Mourinyoning dastlabki maqsadi yosh futbolchi atrofidagi bosimni kamaytirish va unga yangi muhitga moslashish uchun yetarli vaqt berishdan iborat.

Shundan keyingina murabbiy Diomandeni bosqichma-bosqich asosiy tarkib futbolchisiga aylantirishni rejalashtirmoqda. Madrid klubida uning salohiyatiga katta ishonch bildirilmoqda va futbolchi kelajakda jamoaning muhim o‘yinchilaridan biri bo‘lishi kutilmoqda.

Manbaga ko‘ra, Mourinyo bu borada Xabi Alonso davrida Mastantuono bilan tutilgan yo‘ldan farqli uslubni tanlamoqchi. Argentinalik futbolchi Madridga kelishi bilanoq Rodrigo va Braim Dias kabi tajribali o‘yinchilardan ustun qo‘yilib, asosiy tarkibda muntazam imkoniyat olgan edi.

Mourinyo esa Diomandega nisbatan shoshilmasdan, uni bosimdan himoya qilgan holda jamoaga sekin-asta integrasiya qilish tarafdori.