Американинг спорт экипировкалари ишлаб чиқарувчи Nike компанияси ўз ижтимоий тармоқлари орқали «Ан-Наср» клубининг 41 ёшли марказий ҳужумчиси Криштиану Роналдуни Саудия Арабистони чемпионлигини қўлга киритгани билан табриклади.
«Роналду қаерда бўлмасин, титуллар уни таъқиб қилади», — дейилади Nike нашр қилган постда.
Таъкидлаб ўтиш жоизки, тажрибали португалиялик тўпурар Саудия жамоаси сафидаги ўзининг илк совринини қўлга киритди. Якунига етган Саудия Арабистони чемпионати баҳсларида Криштиану 30 та учрашувда майдонга тушди.
«Олтин тўп»нинг беш карра соҳиби ўз ҳисобига 28 та гол (6 таси пенальтидан) ва 2 та голли узатмани ёздириб қўйишга муваффақ бўлди.
