Бразилия футбол конфедерацияси (CBF) «Сантос» ҳужумчиси Неймарнинг 12 июнга қадар тўлиқ соғайиб кетишига умид қилмоқда, дея хабар беради ESPN. Аввалроқ футболчи болдир мушагидаги жароҳатдан сўнг реабилитация жараёнини ўтаётгани маълум бўлган эди.
Манбага кўра, агар Бразилия терма жамоасининг гуруҳ босқичи 1-тури доирасида Марокашга қарши ўйини (14 июнь) арафасида Неймар спорт формасини тиклаб олса, у таркибда қолдирилади. Акс ҳолда, 34 ёшли ҳужумчини терма жамоа қайдномасидан чиқариб юбориш хавфи ортади.
Ҳозирги вақтда CBF Неймарни таркибдан чиқариб ташлашни истамаяпти. Футболчи Жаҳон чемпионати стартига қадар сафга қайтиш мақсадида белгиланган тиббий даволаниш протоколига амал қилади.
