Бельгиялик ҳужумчи Ромелу Лукаку Миланнинг «Интер» клуби билан хайрлашиш унинг учун катта зарба бўлганини ва шундан сўнг ички хотиржамлигини йўқотганини тан олди. У йўқотилган ҳаловатни бошқа қайтара олмади.
«Интер»дан кетганимдан кейин бошқа ҳеч қаерда руҳий хотиржамликни ҳис қилмадим. Кўп воқеалар содир бўлди ва мен ҳақимда жуда кўп нарсалар ёзилди», — дея Лукакунинг сўзларини келтиради derbyderbyderby.it.
Ҳатто «Наполи»да Антонио Конте билан қайта бирлашган бўлса-да, Лукаку ўзи орзу қилган ўша хотиржамликка эриша олмади.
