Мадриднинг «Реал» клуби президентлиги учун бўлажак сайловларда Флорентино Переснинг рақиби бўлган Энрике Рикельме ўз рақобатчисининг асосий хатосини айтди. Рикельмега кўра, клубнинг амалдаги президенти Хаби Алонсони ишдан бўшатмаслиги керак эди.
«Алонсо «Реал» учун ажойиб мураббий эди, у ҳақиқий мадридист. Агар у қолганида, мавсум мутлақо бошқача кечиши мумкин эди», — дея Рикельменинг сўзларини келтиради Madrid Zone.
Эслатиб ўтамиз, Хаби Алонсо январда ишдан бўшатилган ва унинг ўрнини Альваро Арбелоа эгаллаганди. Мураббийлар алмашинуви жамоа натижаларини яхшиламади: жамоа мавсумни совринсиз якунлади, Арбелоа эса узоқ вақт қола олмади — у мавсум тугаши билан дарҳол жамоани тарк этди.
