«ПСЖ» академияси тарбияланувчиси ҳисобланган 18 ёшли франциялик ҳимоячи Эммануэль Мбемба Туманли Альбионга кўчиб ўтиши мумкин. Бу ҳақда BBC Sport журналистлари хабар бермоқда.
Манбанинг берган маълумотларига кўра, якунланган мавсумда Англия Премьер-лигаси чемпионлик унвонини қўлга киритган Лондоннинг «Арсенал» клуби ушбу истиқболли ҳимоячи трансферига қизиқиш билдирмоқда. «Канонирлар» Эммануэлга меҳнат шартномаси таклиф қилишган.
Таъкидлаб ўтиш жоизки, истеъдодли футболчининг Париж гранди билан тузган шартнома муддати шу йилнинг июнь ойи охирида якунига етади. Мбемба 2024 йилнинг ёзидан буён «ПСЖ»нинг ёшлар жамоаси шарафини ҳимоя қилиб келаётган эди.
