Сандро Тонали клубини ўзгартириши мумкин. Gazzetta dello Sport нашрининг берган маълумотларига кўра, «Ньюкасл» ярим ҳимоячисига «Арсенал», «Манчестер Сити» ва «Манчестер Юнайтед» клублари қизиқиш билдирмоқда.

Шу билан бирга, «Ньюкасл» Тоналини осонликча қўйиб юбормоқчи эмас. Клуб раҳбарият ушбу 26 ёшли италиялик футболчини лойиҳанинг асосий фигураларидан бири деб ҳисоблайди ва унда жамоанинг келажакдаги таянчини кўрмоқда.

Тоналининг «Ньюкасл» билан шартномаси 2029 йилгача мўлжалланган. Англия клуби ярим ҳимоячини 115 миллион еврога баҳоламоқда.

Қайд этилишича, бундай катта сумма гранд клубларни чўчитмаяпти. «Ньюкасл» футболчига бўлаётган қизиқишларни тушуниб турибди, бироқ у билан фақат жуда сезиларли ва жиддий маблағ эвазига хайрлашишга тайёр.