«Барселона» ва Испания терма жамоаси вингери Ламин Ямаль ўзининг фикрича етарлича баҳоланмаган футболчилар кимлар эканлигини маълум қилди.
«Кам баҳоланган футболчиларми? Жерар Мартин. Шунингдек, Томас Мюллер ҳам ўз вақтида етарлича баҳоланмаган деб ўйлайман. Яна «ПСЖ»дан Фабиан Руисни айта оламан.
Коул Палмер дейсизми? Йўқ, у кам баҳоланган футболчилар сирасига кирмайди. У «Челси»да 10-рақамда тўп суради ва «Олтин тўп» сўровномасида тўққизинчи ўринни эгаллади. Қандай қилиб уни кам баҳоланган деб аташ мумкин?» — дея Ямалнинг сўзларини келтиради The Touchline.
Ҳозирда Ламин Ямаль жароҳатдан тикланиш жараёнининг якуний босқичида турибди. 18 ёшли футболчи Жаҳон чемпионати доирасида бўлиб ўтадиган Испания терма жамоасининг Кабо-Вердега қарши дастлабки ўйинига (15 июнь) тайёр бўлиши кутилмоқда.
