АҚШда бўлиб ўтадиган 2026 йилги жаҳон чемпионатига тайёргарлик кўриш бўйича Оқ уй ишчи гуруҳи раҳбари Эндрю Жулиани Африканинг энг яхши ҳаками Омар Абдулқодир Артаннинг ЖЧ-2026 учун мамлакатга кириши нима сабабдан рад этилганини тушунтирди. Аввалроқ сомалилик реферига виза берилмаган эди.
«Ҳакамнинг мамлакатга кириши рад этилиши Трампнинг Сомали шаънига айтган танқидлари билан боғлиқми? Бу саволнинг қўйилиши нотўғри. Президент бир масалада қатъий ва мен уни бу борада тўлиқ қўллаб-қувватлайман: биз хавф туғдириши мумкин бўлган шахсларнинг АҚШ ҳудудига киришига йўл қўймаймиз — бу хоҳ жаҳон чемпионати бўлсин, хоҳ бошқа бирор бир сабаб», — деди Жулиани «Атлантика кенгаши» тадбирида.













