Ярим ҳимоячи Бернарду Силва тез орада эркин агент мақомида Мадриднинг “Реал” клубига ўтади. “Қаймоқранглилар” португалиялик футболчи билан шартнома шартларини келишиб олишди, келишув икки йилга мўлжалланган.
Инсайдер Фабрицио Романонинг маълумотларига кўра, хавбек “Реал”да сўнгги тўққиз йил давомида тўп тепган жамоаси “Манчестер Сити”дагига қараганда камроқ маош олади. Келишувнинг барча тафсилотлари аллақачон ҳал қилинган.
Аввалроқ, Бернарду Силванинг трансферини унинг ватандоши Жозе Моуриньо талаб қилгани ҳақида хабар берилган эди. Моуриньо келаси мавсум бошидан жамоанинг янги бош мураббийига айланади.
