Ҳимоячи Альфонсо Дэвис Канада терма жамоасининг Жаҳон чемпионатидаги биринчи учрашувида майдонга туша олмайди. Бу ҳақда жамоа бош мураббийи Жесси Марш маълум қилди.
Маълумки, Дэвис мушакларидаги жароҳат туфайли 2025/2026 йилги клуб мавсумининг якуний қисмини ўтказиб юборган эди. Футболчи ҳали тўлиқ соғайиб улгурмаган.
“Кеча биз МРТ қилдирдик. Жуда ижобий белгилар бор: Дэвис яхши тикланмоқда, у деярли тайёр. Биз унинг машғулотлардаги юкламасини оширишга тайёргарлик кўряпмиз. Умид қиламизки, яқин кунларда бу жараён тезлашади ва у гуруҳ босқичида майдонга тушишга улгуради”, — деди Марш матбуот анжуманида.
Канада — Босния ва Герцеговина учрашуви 12 июнь куни бўлиб ўтади.
