“Бавария” ярим ҳимоячиси Леннарт Карл Жаҳон чемпионати бошланишидан аввал қандай қилиб жароҳат олганини ёдга олди. 18 ёшли футболчи Германия терма жамоасининг мундиал учун қайдномасидан жой олган эди, бироқ якунда машғулотдаги жароҳат сабаб таркибдан чиқарилди.
“Дарвозага зарба берган пайтимда жароҳат олдим. Ўша заҳоти оғриқни ҳис қилдим. Бу мен учун ҳақиқий шок бўлди, чунки ушбу турнирдан умидим жуда катта эди ва унга ажойиб спорт формасида етиб келгандим. Жаҳон чемпионатида ўйнашни орзу қилгандим, лекин, афсуски, жароҳат бунга йўл қўймади. Энди фақат буни қабул қилиш ва олдинга интилиш қолади”, — деди Карл Bild нашрига берган интервьюсида.
Якшанба куни Тошкент вақти билан соат 22:00 да ЖЧ-2026 гуруҳ босқичи 1-туридан ўрин олган Германия ва Кюрасао терма жамоалари ўртасидаги учрашув старт олади.
