Жаҳон чемпионати гуруҳ босқичининг биринчи турида АҚШ терма жамоаси Парагвай устидан 4:1 ҳисобида йирик ғалабага эришди. Мусобақа мезбони сардори Тим Рим ушбу натижа ҳақида ўз фикрларини билдирди.
«Терма жамоа сардори бўлиш мен учун катта шараф. Жамоа жуда катта иш қилди. Бундай натижага эришиш учун бор кучимизни ишга солдик. Йигитлар — қойилмақом. Бу АҚШ учун ажойиб оқшом», — дея футболчининг сўзларини келтиради ФИФА матбуот хизмати.
D гуруҳининг бошқа бир учрашувида Туркия ва Австралия терма жамоалари куч синашишади. Ушбу баҳс 14 июнь куни бўлиб ўтади, бош ҳакамнинг ҳуштаги Тошкент вақти билан соат 09:00 да янграйди.
