АҚШ терма жамоасининг юлдузли вингери Кристиан Пулишич Жаҳон чемпионати — 2026 гуруҳ босқичининг биринчи туридан ўрин олган Парагвайга қарши ўйинда олган жароҳати ҳақида гапирди.
«Оёғимга бироз зарба тегди, жиддий ҳеч нарса бўлмаган деб умид қиламиз. Бу ўйинда таваккал қилмасликка қарор қилинди. Ҳаммаси яхши бўлишига ишонаман», — дея америкалик ярим ҳимоячининг сўзларини келтиради Goal портали.
Эслатиб ўтамиз, мазкур баҳс Маурисио Почеттино жамоасининг 4:1 ҳисобидаги йирик ғалабаси билан якунланган эди.
АҚШ терма жамоаси навбатдаги ўйинини 19 июнь куни Австралияга қарши ўтказади. Америкаликлар гуруҳ босқичини 26 июнь куни туркияликларга қарши баҳс билан якунлашади.
