Футбол бўйича Жаҳон чемпионати «C» гуруҳи биринчи тури доирасида Бразилия ва Марокаш терма жамоалари ўзаро тўқнашади. Ушбу баҳс 14 июнь куни Тошкент вақти билан соат 03:00 да бошланади.
Таҳлилчилар бўлажак ўйинда Бразилия миллий жамоасининг ғалаба қозониш имкониятини 56,9 фоиз эҳтимол билан баҳолашмоқда. Марокаш терма жамоасининг зафар қучиши эса 17,3 фоизни ташкил этмоқда. Учрашувда дуранг қайд этилиши эҳтимоли 25,8 фоизга тенг.
Жамоалар охирги марта 2023 йилнинг 26 мартида ўзаро тўқнаш келишган бўлиб, ўшанда Марокаш терма жамоаси 2:1 ҳисобида ғалаба қозонган эди.
