Бразилия терма жамоаси дарвозабони Алиссон Бекер миллий жамоанинг ҳозирги бош мураббийи Карло Анчелотти зиммасидаги босим даражасига баҳо берди.
«Анчелоттининг ўрнида бўлган одам, эҳтимол, Бразилия президенти лавозимидагидан ҳам кўпроқ босимни ҳис қилса керак», — дея голкипернинг сўзларини келтиради APNews нашри.
Жаҳон чемпионати — 2026 гуруҳ босқичининг биринчи турида Бразилия терма жамоаси Марокаш миллий жамоаси билан тўқнаш келади. Ушбу учрашув якшанба, 14 июнь куни бўлиб ўтади ва ўйиннинг бошланиши Тошкент вақти билан соат 03:00 га режалаштирилган.
Турнир 19 июлга қадар давом этади. Амалдаги Жаҳон чемпиони Аргентина терма жамоаси ҳисобланади.
