Braziliya terma jamoasi darvozaboni Alisson Beker milliy jamoaning hozirgi bosh murabbiyi Karlo Anchelotti zimmasidagi bosim darajasiga baho berdi.
«Anchelottining o‘rnida bo‘lgan odam, ehtimol, Braziliya prezidenti lavozimidagidan ham ko‘proq bosimni his qilsa kerak», — deya golkiperning so‘zlarini keltiradi APNews nashri.
Jahon chempionati — 2026 guruh bosqichining birinchi turida Braziliya terma jamoasi Marokash milliy jamoasi bilan to‘qnash keladi. Ushbu uchrashuv yakshanba, 14 iyun kuni bo‘lib o‘tadi va o‘yinning boshlanishi Toshkent vaqti bilan soat 03:00 ga rejalashtirilgan.
Turnir 19 iyulga qadar davom etadi. Amaldagi Jahon chempioni Argentina terma jamoasi hisoblanadi.
