Бразилия терма жамоаси Жаҳон чемпионатидаги иштирокини бошлашга ҳозирлик кўрмоқда. Мундиалда «селесао»нинг илк рақиби Марокаш терма жамоаси бўлади.

Қизиғи шундаки, Бразилия терма жамоаси охирги 88 йил давомида Жаҳон чемпионатларидаги дастлабки ўйинларида умуман мағлуб бўлмаган. 20 та ўйиндан иборат ушбу серия мағлубиятсиз серия 1938 йилги мундиалда, бразилияликлар Польшани мағлуб этган (қўшимча вақтларда 6:5) баҳсдан бошланган.

Бразилия охирги марта Жаҳон чемпионатидаги илк учрашувида бундан 92 йил аввал — 1934 йилда имкониятни бой берган эди. Ўшанда бразилияликлар Испанияга 1:3 ҳисобида ютқазиб, турнирни тарк этишган.

Бразилия – Марокаш учрашуви 14 июнь куни Тошкент вақти билан соат 03:00 да бошланади.