Кот-д’Ивуар терма жамоаси бош мураббийи Эмерс Фаэ ярим ҳимоячи Ян Диоманденинг келажаги ҳақидаги миш-мишларга изоҳ берди. ЖЧ-2026нинг биринчи турида ивуарликлар Эквадор терма жамоасини 1:0 ҳисобида мағлуб этишди.

«Францияда йиғин ўтказаётган вақтимизда менга уни «ПСЖ» билан шартнома имзолаш арафасида эканлигини айтишганди. Бу ерда эса у аллақачон «Ливерпуль» футболчисига айланиб бўлганини гапиришяпти! Мен буни билмайман. Ҳозирча у бор эътиборини Жаҳон чемпионатига қаратиши керак, келажаги ҳақида эса кейинроқ ўйлаб кўради», – деди мураббий ўйиндан кейинги матбуот анжуманида.

Фаэ, шунингдек, Диоманденинг фазилатларига юқори баҳо бериб, унинг потенциали ва меҳнатсеварлигини алоҳида таъкидлади.