Германия терма жамоаси бош мураббийи Юлиан Нагельсман Жаҳон чемпионати гуруҳ босқичи 1-турида Кюрасао устидан қозонилган ғалабадан сўнг футболчиларга дам олиш куни берди.
Кюрасао билан ўйин 14 июнь куни Шарлоттда бўлиб ўтди ва унда немислар 7:1 ҳисобида ғалаба қозонишди. Мураббийнинг жамоага икки кунлик таътил бериш қарори юкламани камайтириш ва футболчиларнинг руҳий жиҳатдан тикланишига имконият яратиш истаги билан боғлиқ. Навбатдаги учрашувга тайёргарлик чоршанба, 17 июнь куни жамоа базада машғулотларни бошлаганида қайта тикланади.
Гуруҳ босқичининг 2-турида Германия Кот-д'Ивуар билан тўқнаш келади. Учрашув 20 июнь куни бўлиб ўтади. Немислар Эквадор ва Кюрасао жамоалари ҳам жой олган «E» гуруҳида иштирок этмоқда. 1-турдан сўнг Германия уч очко билан гуруҳда пешқадамлик қилмоқда.
