Марокашлик ярим ҳимоячи Исмаэль Сайбари Мюнхеннинг «Бавария» клубига ўтиш арафасида турибди. Бир қатор инсайдерларнинг хабарларига кўра, ушбу келишув 55 миллион еврога тушади ва бу трансфер лига тарихидаги энг қиммат бешта сотувдан бирига айланади.
Рекорд бразилиялик вингер Антонига тегишли бўлиб, у 2022 йилда «Аякс»дан «Манчестер Юнайтед»га 100 миллион евро эвазига ўтган эди. Иккинчи ўринда Френки де Йонгнинг 2019 йилда «Барселона»га 86 миллион еврога сотилиши қайд этилган бўлса, кучли учликни ўша йили «Ювентус»га 85 миллион евро эвазига кўчиб ўтган Амстердам клубининг яна бир вакили Маттейс де Лигт якунлаб беради. Тўртинчи поғонани Лисандро Мартинес (2022 йилда «Аякс»дан «Манчестер Юнайтед»га 57 миллион евро) эгаллаб турибди, бешинчи ўрин эса, юқорида таъкидланганидек, Исмаэль Сайбарига насиб этади.
Шунингдек, топ-10 таликдан Коди Гакпо (2023 йилда ПСВдан «Ливерпуль»га 49 миллион), Йоррель Хато (2025 йилда «Аякс»дан «Челси»га 44 миллион), Муҳаммад Кудус (2023 йилда «Аякс»дан «Вест Хэм»га 43 миллион), Давинсон Санчес (2017 йилда «Аякс»дан «Тоттенхэм»га 42 миллион) ва Ирвинг Лосано (2019 йилда ПСВдан «Наполи»га 40 миллион) каби футболчиларнинг трансферлари жой олган.
