Лионель Месси ЖЧ-2026 гуруҳ босқичи 1-туридан ўрин олган Жазоирга қарши учрашувда Аргентина терма жамоасининг асосий таркибидан жой олди.
Атиги бир ҳафтадан кейин «Интер Майами» ҳужумчиси 39 ёшни қаршилайди. MisterChip берган маълумотга кўра, Месси мундиаллар тарихида Аргентина сафида майдонга тушган иккинчи энг ёши катта футболчига айланди. Рекорд ҳамон Анхель Лабрунега тегишли бўлиб, у 1958 йилда Шимолий Ирландияга қарши ўйинда 39 ёшу 260 кунлигида майдонга тушган эди.
Бугунги баҳс Лионель учун «альбиселесте» либосидаги 200-учрашув бўлди. Шунингдек, форвард тарихда олтита жаҳон чемпионатида иштирок этган илк футболчига айланди.
