Англия миллий терма жамоаси ЖЧ-2026 гуруҳ босқичи доирасида бўлиб ўтган учрашувда Хорватия терма жамоасини мағлубиятга учратди (4:2).
Шу тариқа, инглизлар сўнгги 22 йил ичида илк бор Жаҳон чемпионати ўтказилаётган вақтда ФИФА рейтингининг дастлабки 15 талигидан жой олган рақибни мағлуб этишга муваффақ бўлишди. Хорватлар айни пайтдаги рейтингда 11-ўринни банд этиб туришибди.
Бундан аввал, 2002 йилги мундиалнинг гуруҳ босқичида Англия терма жамоаси Дэвид Бекхэмнинг пенальтидан урган голи эвазига Аргентинани мағлуб этган эди (1:0). Ўша пайтда аргентиналиклар ФИФА рейтингида 3-ўринни эгаллаб турган эдилар.
Ушбу икки ғалаба оралиғидаги даврда инглизлар Жаҳон чемпионатлари доирасида топ-15 рейтингига кирувчи терма жамоаларга қарши 9 бор майдонга тушиб, уларнинг 2 тасида дуранг ўйнашган ва 7 та учрашувда имкониятни бой беришган.
