Нидерландия терма жамоаси собиқ ярим ҳимоячиси Рафаэль ван дер Ваарт ЖЧ-2026 доирасидаги Нидерландия ва Япония (2:2) учрашувидан сўнг можаролар марказида қолди.

Телевидениеда эксперт сифатида фаолият олиб бораётган Ван дер Ваарт ўйин вақтида урилган сўнгги гол вазиятини таҳлил қилди. У Япония терма жамоаси футболчилари ҳақида гапира туриб: «Ахир уларнинг ҳаммаси бир хил кўринишади», — деб юборди.

Студиядаги ноқулай сукутдан сўнг, собиқ футболчи: «Бу, албатта, ҳазил. Мен аллақачон бирор нарса дейишга қўрқиб қолдим», — дея қўшимча қилди.

Ушбу фикр ижтимоий тармоқларда кескин танқидлар тўлқинини келтириб чиқарди. Бунга жавобан Ван дер Ваарт ўз вакиллари орқали баёнот бериб, ҳеч қандай ирқчилик ёки камситиш нияти бўлмаганини таъкидлади.

Эслатиб ўтамиз, «F» гуруҳи 1-туридан ўрин олган баҳс 2:2 ҳисобидаги дуранг билан якунланди. Япония терма жамоаси 88-дақиқада Камада томонидан киритилган гол эвазига мағлубиятдан қутилиб қолди.