АҚШ терма жамоаси бош мураббийи Маурисио Почеттино жамоадаги рақобатнинг муҳимлиги ҳақида гапирди.
«Мен илгари бўлган воқеаларни танқид қилмоқчи эмасман ва бу тўғри ёки нотўғри бўлган демоқчи ҳам эмасман — муаммоларни ҳал қилишнинг турли йўллари бор, бироқ биз комфорт зонасида яшаб келган футболчилар гуруҳини кўрдик. Баъзилар натижалардан қатъи назар, терма жамоадан жойлари кафолатланган деб ҳисоблашган. Юқори рақобат шароитида ишлайдиган биз каби инсонлар учун бу адолатдан эмас. Чунки сизнинг ривожланишингиз ўзингизга қўядиган талабларингизга ва атрофингиздаги рақобат муҳитига боғлиқ.
Агар рақобат бўлмаса, агар сиз нима бўлишидан қатъи назар энг зўриман ва барибир ўйнайман, мени барибир Жаҳон чемпионати қайдномасига киритишади деб ишонсангиз, ривожланиш жуда қийин бўлади. Якунда футбол — бу доимий ривожланиш ва ўсиш демакдир.
Бизнинг вазифамиз рақобатни ошириш, айниқса, ҳозир жамоамизда бўлган ўйинчилар каби футболчиларни жалб қилишдан иборат эди. Биз уларни таклиф қилдик ва мотивацияси, амбицияси ҳамда ўзини кўрсатиш иштиёқи баланд бўлган бу футболчилар, эҳтимол, ўзларини ҳаддан ташқари қулай ҳис қилганлар учун хавфга айланишди. Ўйлайманки, бу футболимизга фойда келтирди», — деди Почеттино.
