Жаҳон чемпионати-2026 гуруҳ босқичи 2-туридан ўрин олган учрашувда Шотландия терма жамоаси Марокаш миллий терма жамоасидан минимал (0:1) ҳисобда мағлубиятга учради. Мазкур натижа борасида мағлуб бўлган жамоа ярим ҳимоячиси Льюис Фергюсон ўз фикрларини билдирди.
«Мундиалда ғалаба қозониш жуда қийин, чунки бу ердаги ҳар бир терма жамоа юқори классга эга. Мағлубиятдан жуда хафамиз. Менинг фикримча, жамоамиз камида дуранг ўйнашга лойиқ эди», — дея ярим ҳимоячининг сўзларини келтиради Халқаро футбол федерацияси (ФИФА) матбуот хизмати.
Шотландия терма жамоаси ҳисобидаги 3 очко билан ўз гуруҳида учинчи ўринни эгаллаб турибди. Сўнгги ҳал қилувчи турда британияликларга Бразилия миллий терма жамоаси рақиблик қилади.
