Туркия оммавий ахборот воситаларида фаолият юритган журналист Муҳаммад Думан Туркия терма жамоасининг Жаҳон чемпионати-2026даги муваффақиятсизлигига муносабат билдирди. Миллий терма жамоа дастлабки икки ўйиндан сўнг турнирни тарк этди.

«Биз ҳақиқий шок ҳолатидамиз. Гюлер, Чалҳанўғли, Актюркўғли, Йилдиз… Биз бу футболчилардан жуда кўп нарса кутган эдик. Улар эса энг ёмон ўйин кўрсатганлар қаторида бўлишди. Бу Арданинг бунчалик ёмон ўйнаганини биринчи марта кўришимиз эди», — дея журналистнинг сўзларини келтиради «Чемпионат» нашри.

Жаҳон чемпионати гуруҳ босқичи 2-туридан ўрин олган баҳсда Туркия терма жамоаси Парагвайга 0:1 ҳисобида имкониятни бой бериб қўйди. Турнирдаги дастлабки ўйинда эса Винченцо Монтелла шогирдлари Австралиядан мағлубиятга учрашган эди (0:2).

Турклар мундиалдаги сўнгги учрашувини АҚШ терма жамоасига қарши ўтказади.