Германия терма жамоаси Жаҳон чемпионати–2026 гуруҳ босқичининг 2-турида Кот-д’Ивуар терма жамоасига қарши майдонга тушади. «Бундестим»нинг собиқ футболчиси Тони Кроос ушбу баҳсдан кутилмалари билан ўртоқлашди.
«Бу ўйинда кўп нарса жамоаларнинг жисмоний ҳолатига боғлиқ бўлади. Агар немислар ивуарликларнинг босимига дош бера олишса, ғалабани қўлга киритишлари мумкин. Германия жуда кучли, шу сабабли рақиб бутун ўйин давомида муваффақиятли ҳимоялана олади деб ўйламайман. Мен "бундестим"нинг 3:1 ҳисобини тахмин қиламан», — дея Крооснинг сўзларини келтирмоқда «Bild» нашри.
Учрашув бугун, 20 июнь куни Тошкент вақти билан соат 01:00 да (21 июнга ўтар кечаси) бошланиши режалаштирилган.
