Бельгия терма жамоаси бош мураббийи Руди Гарсия Жаҳон чемпионати — 2026 гуруҳ босқичининг 2-туридан ўрин олган Эронга қарши баҳс олдидан жамоа вингери Жереми Докунинг жисмоний ҳолати ҳақида гапириб ўтди.
«Жереми ушбу учрашувда иштирок этмайди. Навбатдаги ўйинда жамоамиз унинг хизматларисиз ҳаракат қилишига тўғри келади. Биз шифокорлар томонидан майдонга тушишга тиббий жиҳатдан рухсат берилмаган футболчиларни таваккал қилиб ўйнатмаймиз. Тиббий штабимиз Жеремининг тезроқ соғайиб, сафга қайриши учун бор кучи билан ёрдам бермоқда», — дея «ESPN» нашри мутахассиснинг сўзларини келтиради.
Эслатиб ўтамиз, Жаҳон чемпионатидаги илк баҳсда Бельгия терма жамоаси Миср вакиллари билан 1:1 ҳисобида дуранг ўйнаган эди. «Қизил иблислар»нинг Эронга қарши учрашуви бугун, 21 июнь куни бўлиб ўтади. Ўйин Тошкент вақти билан 22:00 га тўғри келади.
