Нидерландия терма жамоаси Жаҳон чемпионати 2-туридан ўрин олган баҳсда Швецияни 5:1 ҳисобида тор-мор этди.

Шу тариқа, нидерландияликлар 1994 йилдан буён Жаҳон чемпионатларининг гуруҳ босқичи учрашувларида мағлуб бўлмасдан келишмоқда — ўшанда улар 2-турда Бельгияга (0:1) имкониятни бой беришган эди.

1994 йилги мундиалда Нидерландия чорак финалгача етиб бориб, унда Бразилияга (2:3) ютқазган. Ўша турнирдан бери Нидерландия терма жамоаси гуруҳ босқичларида бирорта ўйинда мағлубиятга учрамади.

Мусобақанинг плей-офф босқичларида эса жамоа қуйидагича мағлубиятларни қабул қилиб олган: 1998 йилда 3-ўрин учун баҳсда Хорватияга (1:2), 2006 йилда 1/8 финалда Португалияга (0:1) имконият бой берилган.

2010 йилги Жаҳон чемпионати финалида Испания Нидерландиядан устун келган (1:0) бўлса, 2014 йилги ярим финалда ҳамда 2022 йилги чорак финалда нидерландияликлар Аргентинага пенальтилар сериясида имкониятни бой беришган.