Niderlandiya terma jamoasi Jahon chempionati 2-turidan o‘rin olgan bahsda Shvesiyani 5:1 hisobida tor-mor etdi.

Shu tariqa, niderlandiyaliklar 1994 yildan buyon Jahon chempionatlarining guruh bosqichi uchrashuvlarida mag‘lub bo‘lmasdan kelishmoqda — o‘shanda ular 2-turda Belgiyaga (0:1) imkoniyatni boy berishgan edi.

1994 yilgi mundialda Niderlandiya chorak finalgacha yetib borib, unda Braziliyaga (2:3) yutqazgan. O‘sha turnirdan beri Niderlandiya terma jamoasi guruh bosqichlarida birorta o‘yinda mag‘lubiyatga uchramadi.

Musobaqaning pley-off bosqichlarida esa jamoa quyidagicha mag‘lubiyatlarni qabul qilib olgan: 1998 yilda 3-o‘rin uchun bahsda Xorvatiyaga (1:2), 2006 yilda 1/8 finalda Portugaliyaga (0:1) imkoniyat boy berilgan.

2010 yilgi Jahon chempionati finalida Ispaniya Niderlandiyadan ustun kelgan (1:0) bo‘lsa, 2014 yilgi yarim finalda hamda 2022 yilgi chorak finalda niderlandiyaliklar Argentinaga penaltilar seriyasida imkoniyatni boy berishgan.