Германия терма жамоаси ҳужумчиси Дениз Ундав Жаҳон чемпионати 2-туридан ўрин олган Кот-д`Ивуарга қарши учрашувда (2:1) дубль муаллифига айланди.
Бу унинг турнирдаги 2 ва 3-голлари бўлди. Бундан аввалроқ у Кюрасаога қарши кечган баҳсда (7:1) битта гол ва иккита голли узатмани ўз ҳисобига ёздириб қўйган эди.
Эътиборли жиҳати шундаки, 29 ёшли форвард турнирдаги иккала ўйинни ҳам захира ўриндиғида бошлади: Кюрасао билан баҳсда у 64-дақиқада, Кот-д`Ивуар билан учрашувда эса 60-дақиқада майдонга тушди.
Битта Жаҳон чемпионати давомида захирадан майдонга тушиб, бунчалик кўп самарали ҳаракат амалга ошириш фақатгина Камерун терма жамоаси афсонаси Роже Милланинг қўлидан келган (1990 йилги мундиалда).
Шу тариқа, Ундав ушбу Жаҳон чемпионатида ўртача ҳар 11 дақиқада биттадан голли вазиятда иштирок этмоқда.
