Португалия терма жамоаси ҳимоячиси Диогу Далот 2026 йилги жаҳон чемпионатининг K гуруҳи 2-тури доирасида Ўзбекистон миллий жамоасига қарши ўйин олдидан ўз кутилмалари билан ўртоқлашди.
«Ғалаба — энг муҳими. У ишончли бўладими ёки йўқми, ғалаба — бу ғалаба. Кейинги босқичга чиқиш учун қўлга киритадиган ҳар бир очко жуда муҳим. Бизни қатъиятли жамоа билан учрашув кутиб турибди. Осон ўйин кутмаяпмиз, аммо тўғри қарор қабул қилиш ва ўйинда ғалаба қозониш ўзимизга боғлиқ. Бизнинг асосий вазифамиз шунда», — дея Далотнинг сўзларини келтиради Португалия футбол федерациясининг расмий сайти.
Португалия ва Ўзбекистон учрашуви 23-июн куни соат 22:00'да бошланиши белгиланган.
