Уругвай терма жамоаси устози Марсело Бьелса жаҳон чемпионати гуруҳ босқичи иккинчи турида Кабо-Верде терма жамоаси билан қайд этилган дурангдан мамнун эмас. У шогирдлари ўйин интенсивлигини пасайтиргани учун жазоланганини таъкидлади.
«Натижага таъсир қилган ҳал қилувчи омил шунда бўлдики, биз ўйин интенсивлигини пасайтирдик, бу эса содир бўлмаслиги керак эди», — дея Бьелсанинг сўзларини келтиради ФИФА расмий сайти.
Эслатиб ўтамиз, гуруҳ босқичининг учинчи турида Уругвай терма жамоасини испанияликларга қарши ўта мураккаб баҳс кутиб турибди. Ҳозирча жанубий америкаликларда Саудия Арабистони ва Кабо-Верде терма жамоалари билан ўйинлардан сўнг атиги икки очко бор.
