Англия терма жамоасининг собиқ ҳужумчиси Уэйн Руни Испания терма жамоаси ва «Барселона» вингери Ламин Ямал ўйинига қойил қолди.

18 ёшли футболчи ЖЧ-2026 даги ўзининг илк голини Саудия Арабистонига қарши кечган (4:0) ўйинда урди, унда у бир бўлим ҳаракат қилди.

«Мен уни шунчаки яхши кўраман, у мени табассум қилишга мажбур этади. У ўйиндан завқ олади, жараённинг ўзидан ҳузурланади.

Испания терма жамоасида ёш футболчилар кўп ва у уларга ўзига бўлган ишончни бағишлайди. Улар у билан бирга Еврода 16 ёшида ғолиб чиқишди. Энди у катта бўлди – ҳозир 18 ёшда эканини ҳисобга олсак, бу ақл бовар қилмасдек туюлади. Аммо у жамоанинг ҳар бир ўйинчисига бу жаҳон чемпионатида ғолиб чиқа олишларига ишонч бағишлайди», – деди Руни.