Аргентина терма жамоаси бош мураббийи Лионель Скалони ЖЧ-2026 гуруҳ босқичи 2-туридан ўрин олган Австрияга қарши ўйинда жароҳат олган ҳимоячи Кристиан Ромеронинг ҳолати ҳақида гапириб берди.
«Биз муаммонинг қай даражада жиддий эканини билмаймиз. Умид қиламизки, ҳеч қандай даҳшатли нарса юз бермайди. Агар у сафдан чиққан тақдирда ҳам, унинг ўрнини боса оладиганлар бор, лекин барча футболчилар тайёр тургани доим яхшироқ.
Ҳозирча тикланишнинг аниқ муддатларини билмаймиз. Яқин кунларда у барча тиббий кўриклардан ўтади», — дея Скалонининг сўзларини келтиради «sportsmole.co.uk».
Ромеро тиззасидаги жароҳат туфайли «Тоттенхэм»нинг АПЛдаги сўнгги олтита ўйинини ўтказиб юборган эди. Австрия билан учрашувда Ромерони Николас Отаменди алмаштирди.
