Англия терма жамоаси бош мураббийи Томас Тухель ЖЧ-2026 доирасидаги Англия ва Гана (0:0) ўртасидаги учрашув якунларини сарҳисоб қилди.
«Одатда Кейннинг бундай зарбаси биз учун гол билан тугарди. Бу ажойиб вазият эди, ундан кейин яна бир имконият юзага келди. Бу ҳаққоний бўларди.
Қийин бўлишини билардик. Рақиб биринчи ўйинга қараганда ҳам кўпроқ ҳимояга ётиб олди, 4-5-1 схемасида ҳимояланди. Вақт ўтгани сайин ўйинимиз шиддати ошиб борди, бироқ мукофотимизни олиш насиб этмади.
Учрашувнинг катта қисмида рақибнинг қарши ҳужумларидан аъло даражада ҳимояландик. Бунга жуда катта эътибор қаратиш лозим. Захирадан майдонга тушганлар жуда яхши ҳаракат қилишди», — деди Тухель.
