Португалия терма жамоаси сардори Криштиану Роналду ЖЧ-2026 доирасида Ўзбекистонга қарши ўйиндан кейин яна бир тарихий натижа қайд этди.
Эслатиб ўтамиз, Португалия терма жамоаси Ўзбекистонни 5:0 ҳисобида мағлуб этди. Роналду мазкур баҳсда 6 ва 39-дақиқаларда гол уриб, дубль муаллифига айланди.
Opta статистика портали маълумотига кўра, 41 ёшли ҳужумчи жаҳон ва Европа чемпионатларини ўз ичига олган йирик халқаро мусобақаларнинг 11 тасида гол урган тарихдаги биринчи европалик футболчи бўлди.
Бу кўрсаткич бўйича Роналду энг яқин таъқибчиларини анча ортда қолдирмоқда. Иккинчи ўринни Юрген Клинсманн, Мирослав Клозе ва Жердан Шакири бўлишиб турибди. Уларнинг ҳар бири жаҳон ва Европа чемпионатларининг олтитасида гол урган.













