Агент Паулу Барбоза Криштиану Роналдунинг Жаҳон чемпионатидаги ўйинига юқори баҳо бермади ва уни бироз камситди. Юлдуз ҳужумчи Ўзбекистонга қарши баҳсда дубль қайд этди ва Португалия терма жамоаси 5:0 ҳисобида ғалаба қозонди.
Маълумки, финал ҳуштаги янграганидан сўнг Роналду камерага қараб бир неча бор: «Мен қайтдим!» дея бақирди. Бу унинг Конго ДР билан қайд этилган дурангдан сўнг янграган танқидларга берган жавоби эди.
Барбоза Роналдунинг ўйини ҳақида фикр билдирар экан, ҳужумчи терма жамоанинг йирик турнирлардаги бундан олдинги муҳим ўйинларида қаерда бўлгани ҳақидаги саволни ўртага ташлади.
«У, масалан, ЖЧ-2022 чорак финалида Марокашга гол урмаганди, Евро-2024 чорак финалида Франция дарвозасини ишғол эта олмаганди. Энди эса Ўзбекистон билан баҳсда қайтибдими? Майли, яхши... Мен пичинг қилаётганим йўқ. Гол урганидан хурсандман», — дея Барбозанинг сўзларини келтиради «Спорт-Экспресс».
Португалия терма жамоаси навбатдаги учрашувини 28 июнь куни Колумбияга қарши ўтказади.
