Жаҳон чемпионати — 2026 мусобақасида ҳал қилувчи сўнгги 3-тур ўйинлари старт олди. Бироз аввал "B" учрашувлари якунига етди.
Босния ва Герцеговина терма жамоаси Қатарни 3:1 ҳисобида мағлуб этди. Европаликлар сафида Карим Алайбегович (29) ва Эрмин Махмич (80) гол урган бўлса, 34-дақиқада қатарликлар вакили Маҳмуд Абунада ўз дарвозасини ишғол қилиб қўйди (автогол). Қатарнинг ягона жавоб тўпига Хасан Ал-Ҳайдос муаллифлик қилди.
Параллел равишда кечган яна бир баҳсда Швейцария терма жамоаси мезбон Канадани 2:1 ҳисобида таслим этди. Европаликлардан Рубен Варгас (46) ва Йоан Манзамби (57) гол урган бўлса, Канаданинг ягона жавоб тўпини Промисе Давид 76-дақиқада киритди.
Ушбу натижалардан сўнг Швейцария 7 очко билан гуруҳда 1-ўринни эгаллади. Канада 4 очко билан 2-ўринда қолган бўлса, қўшимча кўрсаткичларга кўра улардан ортда қолган Босния ва Герцеговина (4 очко) 3-поғонадан жой олди. Бирор марта ғалаба қозона олмаган Қатар эса 1 очко билан сўнгги ўринни эгаллаб, турнирни тарк этди.
