Қатар терма жамоаси ярим ҳимоячиси Ассим Мадибо 2026 йилги Жаҳон чемпионати гуруҳ босқичи доирасида Канада терма жамоаси аъзоси Исмаэль Конени йиқитгани учун бешта ўйинга дисквалификация қилинди, дея хабар бермоқда BBC нашри ФИФА Тартиб-интизом қўмитасига таяниб. Ушбу вазият натижасида канадалик футболчининг оёғи синган, қатарлик ўйинчи эса майдондан четлатилган эди. Учрашув Канаданинг 6:0 ҳисобидаги йирик ғалабаси билан якунланган.

Шифокорлар томонидан Коненинг чап оёқ катта ва кичик болдир суяклари синиши ташхиси қўйилди, шу тариқа у турнирнинг қолган қисмини ўтказиб юборади. Маълум қилинишича, Мадибо Исмаэльга ўз узрини етказган ва жарроҳлик амалиётидан сўнг уни шифохонада бориб кўрган.