Qatar terma jamoasi yarim himoyachisi Assim Madibo 2026 yilgi Jahon chempionati guruh bosqichi doirasida Kanada terma jamoasi a’zosi Ismael Koneni yiqitgani uchun beshta o‘yinga diskvalifikasiya qilindi, deya xabar bermoqda BBC nashri FIFA Tartib-intizom qo‘mitasiga tayanib. Ushbu vaziyat natijasida kanadalik futbolchining oyog‘i singan, qatarlik o‘yinchi esa maydondan chetlatilgan edi. Uchrashuv Kanadaning 6:0 hisobidagi yirik g‘alabasi bilan yakunlangan.
Shifokorlar tomonidan Konening chap oyoq katta va kichik boldir suyaklari sinishi tashxisi qo‘yildi, shu tariqa u turnirning qolgan qismini o‘tkazib yuboradi. Ma’lum qilinishicha, Madibo Ismaelga o‘z uzrini etkazgan va jarrohlik amaliyotidan so‘ng uni shifoxonada borib ko‘rgan.
