Швейцария терма жамоаси ярим ҳимоячиси Йохан Манзамби XXI асрда ўтказилган жаҳон чемпионатлари тарихидаги энг сермаҳсул ёш футболчилар қаторидан жой олди.

Opta статистика порталининг хабар беришича, ЖЧ-2026 доирасида Канадага қарши кечган баҳсдан сўнг, Манзамби битта дунё биринчилигида камида 4 та голли вазиятда (гол+пас) бевосита иштирок этган 21 ёшгача бўлган учинчи футболчига айланди. Айни пайтда швейцариялик иқтидор ҳисобида 3 та гол ва 1 та голли узатма мавжуд.

Бунгача ушбу ёшда бундай натижани фақат икки футболчи қайд эта олган эди: Килиан Мбаппе ЖЧ-2018да 4 та, Томас Мюллер эса ЖЧ-2010да 8 та голли вазиятда иштирок этган.

Эслатиб ўтамиз, ушбу рекорд қайд этилган учрашувда Швейцария терма жамоаси Канадани 2:1 ҳисобида мағлуб этди.